Ikaw Pa Rin

Mula nang ikaw ay lumisan
Ako’y labis na nasaktan
Wala man lang idinahilan
Kung bakit ang puso ko’y sinugatan.

Pinilit kong magmahal ng iba
Ngunit di pa rin naging masaya.
Ang puso ko’t kaluluwa
Hanap ay ikaw pa rin sinta.

Paano nahantong sa ganito?
Pag-ibig na akala ko’y totoo?
Ang isinisigaw ng puso ko
Walang iba kundi pangalan mo.

Kay bilis nagdaan ng panahon
Sana’y bumalik pa ang kahapon
Hiling ko lang sa Panginoon
Bigyan tayo muli ng pagkakataon.

***********************************************
[HISTORY:
I realized that I never wrote a Tagalog poem. So, here it is, my first Tagalog poem, in all its corniness...]